La Rue de la Loi (en francés) o Wetstraat (n'holandés) ye una cai importante del centru y este de Bruxeles, Bélxica, famosa pola presencia de dellos edificios gubernamentales importantes (tantu de Bélxica como de la Xunión Europea). La cai, que la so traducción al asturianu ye Cai de la Llei, escurre dende la Rue Royale/Koningsstraat ( 50°50′48″N 4°21′45″E / 50.8468°N 4.3625°E), nel centru de Bruxeles, hasta la rotonda Schuman (50°50′31″N 4°23′09″E / 50.8419°N 4.3859°E), nel barriu européu. Forma la primer parte (la más occidental) de l'autopista N3, que llega hasta Aquisgrán, Alemaña.
El términu Rue de la Loi o Wetstraat úsase de cutiu nos medios belgues como metónimo del gobiernu porque non solo'l Parllamentu Federal de Bélxica ta al empiezu de la cai, sinón que tamién la oficina del primer ministru nel númberu 16. Nel so estremu este ta'l Edificiu Berlaymont na rotonda Schuman y el Parque del Cincuentenariu detrás d'él. Poco primero de la rotonda, la parte central de la cai entra nel Túnel Belliard (la continuación de l'autopista N3) que pasa per debaxo de la rotonda y el Parque del Cincuentenariu.
© MMXXIII Rich X Search. We shall prevail. All rights reserved. Rich X Search